ស្ទឹងត្រែង៖ ថ្ងៃព្រហស្បតិ៍ ១រោច ខែមាឃ ឆ្នាំរោង ឆស័ក ព.ស ២៥៦៨ ត្រូវនឹងថ្ងៃទី១៣ ខែកុម្ភៈ ឆ្នាំ២០២៥ មន្ត្រីបច្ចេកទេសការិយាល័យផ្សព្វផ្សាយ នៃមន្ទីរកសិកម្ម រុក្ខាប្រមាញ់ និងនេសាទខេត្តស្ទឹងត្រែង បានចុះពិនិត្យការងារដាំដុះដំណាំបន្លែសាលាដ ស្ពៃចង្កឹះ ខ្ទឹមស្លឹក ត្រកួន និងជីគ្រប់មុខ និងការប្រមូលផលរបស់កសិករ នៅភូមិសាមឃួយ ឃុំសាមឃួយ ស្រុកសេសាន ខេត្តស្ទឹងត្រែង។ ការថែទាំដំណាំបន្លែរបស់កសិករ មានផលរំខានដោយសត្វល្អិតចង្រៃតិចតួច មាន ដង្កូវស៊ីស្លឹក សត្វទាគូ ។ ចំណែកតម្លៃកសិផលវិញមានការថយចុះ ។