ស្ទឹងត្រែង៖ ថ្ងៃព្រហស្បតិ៍ ១កើត ខែផល្គុន ឆ្នាំរោង​ ឆស័ក ព.ស២៥៦៨ ត្រូវនឹងថ្ងៃទី២៧ ខែកុម្ភ: ឆ្នាំ២០២៥ លោកប្រធានមន្ទីរ ប្រធាន អនុប្រធានការិ និងមន្រ្តីការិយាល័យជំនាញបានចូលរួមសិក្ខាសាលា ផ្សព្វផ្សាយស្តីពី "ឥណទាននៃគម្រោងប្រកួតប្រជែងខ្សែច្រវាក់តម្លៃ និងលើកកម្ពស់សុវត្ថិភាពកសិកម្ម (ACSEP)” ដល់សហគ្រាសផលិត, កែច្នៃ, និងប្រមូលទិញស្វាយចន្ទី និងអ្នកផ្គត់ផ្គង់ធាតុចូលកសិកម្ម។  ក្នុងគោលបំណង ផ្សព្វផ្សាយអំពីសាវតា និងបច្ចុប្បន្នភាពនៃគម្រោង ACSEP ជាពិសេសគោលនយោបាយឥណទាន បែបបទ និង នីតិវិធីក្នុងការរៀបចំស្នើសុំឥណទាននៃគម្រោង ACSEP ដែលជាឥណទានមានលក្ខខណ្ឌអនុគ្រោះដល់សហគ្រាស ផលិត, កែច្នៃ, និងប្រមូលទិញស្វាយចន្ទី ក៏ដូចជាផលិតកម្មមួយចំនួនរួមមាន ដំឡូងមី ផ្លែស្វាយ និងបន្លែ ព្រមទាំង កសិករចិញ្ចឹមមាន់ ដែលមានបំណងស្វែងរកទុនគាំទ្រ និងពង្រីកផែនការអាជីវកម្មរបស់ខ្លួន នៅសាលប្រជុំមន្ទីរកសិកម្ម រុក្ខាប្រមាញ់ និងនេសាទ ខេត្តស្ទឹងត្រែង ដោយមានការអញ្ជើញចូលរួមពី ឯកឧត្តម និងក្រុមការងារនិយ័តក ថ្នាក់ជាតិ ឯកឧត្តមអភិបាលរងខេត្ត ថ្នាក់ដឹកនាំមន្ទីរ ប្រធាន អនុប្រធានការិ និងមន្រ្តី  ធនាគារមីក្រូហិរញ្ញាវត្ថុ សហគ្រាសប្រមូលទិញ កែច្នៃ និងផលិតស្វាយចន្ទី ។